Astelehena
2026ko maiatzaren 4a
Udaberriak hartu
dunez abiada
Hitzordu eder batzuk
bistan dira jada
Eta bat aipatzeko
banuke parada
Azaldu nahi nuke zer
den Herri Haitada
Edozein kiroletan,
musean, bertsoka,
Sukaldean, pilotan,
dantzetan saltoka
Proba ugari daude
joko bat dago ta
Baina guztion alde,
ez elkarren kontra
Saratik Ainhoara
dihoa iparra
Zugarramurdiraino
luzatuta marra
Urdazubi, Etxalar,
Bera ttirri-ttarra…
Sei herri gara baina
herri bat bakarra.
Ez da betebehar bat
ez da agindua,
Ta nahiz izan agenda
beteen gatibua
Egoteko besta on
honetan bildua…
Atxiki Maiatzaren
hogeita hirua.
