Larunbata
2025eko irailaren 6a
AKTUALITATE GAIAK
AKTUALITATE GAIAK
Agendak, liburuak,
gelak mailaz-maila,
Galtzerdiak, trikotak,
hegan uso saila
Somatu ote duzu
nola ez den zaila...
Ohartzerako berriz
heldu da Iraila
Mahatsez, artoz, sagarrez
beteta lursaila,
Haizegoak gorritu
berritan masaila
Txoznetatik urrundu
ohi zaigu urdaila...
Beti ez da hain txarra
izaten da Iraila
Nahiz guri so ipini
nahigabe miraila
Begiak itxiz edo
itzaliz pantaila.
Gazako min, herio
bortxa ta metraila...
Denontzat ez da berdin
pasako Iraila
Sahiestu errutina
zoroen abaila
Aukeratzat hartuta
zabaldu sarraila
Jarrera onez dena
bada abantaila...
Zuk aukeratu nola
bukatu Iraila
