Ostirala
2026ko urtarrilaren 9a
1. Lanbro beltzeko hodeia
xuriz jauntzirik izeia (bis)
Urte berri baten deia,
zaharra agurtzeko ideia…
hemen dago, hasteke ia,
bi mila ta hogeita seia.
2. Udazkenetik negura,
udaberri eta uda (bis)
Hamabi hileren batura
da urte baten itxura
Nola latz, nola gustura,
ahal zen gisan pasatu da.
3. Urteberriko ipuinak
zer eskatzen du burbuinak?
lagun onak, ez higuinak
beheiti egitea eskuinak,
euskaraz bizi duinak
ta irratietan uhinak!
4. Otordu, kantu, jai nahasi
erritual ta fantasi (bis)
nahiz sasoiak bultzarazi
noiznahi ahal dugu (ez ahantzi!)
erabakitzen ikasi
zer bukatu ta zer hasi.
