Korrika ondorengo gogoetak

1. Korrika pasa zaigu

Ta nola azaldu

Oldarraldi garaian

Deus ez dela salbu

Nahiz Comisionesek

Nahi duen zapaldu

Ta soilik erabili

Behar bada saldu

Euskara bizirik da

Ta bizi behar du

2. Hauteskunde ondotik

Zer da erdietsi?

Ahoen ber begiak

Bazaizkigu hetsi

Ikusi izan dira

Hatsanturik, hertsi

Auzapez erdaldunak

Ta hainbat hautetsi

Arazoarengandik

Korrika ihesi

3. Denek ezagun dugu

Pertsona hau berez,

80 kilometro

Egin ditu errex.

Komiteko soldadu,

Rugbiko aldrebes

Erraiten dakizkinak

" Bai bai" eta "ez ez",

"C'est super la Korrika"

Erraiten frantsesez.

4. Zer nahi dugu euskaraz?

Hori dugu auzi.

Nor nahi dugu euskaraz

Ahalduntzen utzi?

Euskal faxista berri,

Militar, nagusi,

CAFek lekukoa har

Ta Ertzaintzak jauzi,

Ez dakit nahi ditugun

Korrikan ikusi.

5. Hizkuntzak ta pertsonak

Berdintsuak dira:

Mundua askatuaz

Askatuko gira.

Antolatu dezagun

Gure ofentsiba,

Euskaldun berrieri,

AEKri biba:

Euskara bizi bada

Borrokan bizi da.