CD64 - Proiektuen bozketa - bakartze kanpaina

Lapurdiko Arraun Taldeak indartsu abiatu du KAE1 liga

AKTUALITATEA

Euskal Herriko traineruen KAE1 liga abiatu zen larunbat arratsaldean Donibane Lohizuneko hondartza nagusian. Nesken bigarren dibisioko sasoia ere ber denboran, eta Zumaiako emazteak dira nagusitu Sestoarren aitzinean. KAE1 Ligan, berriki LAT Lapurdiko Arraun Taldeak erdietsi zuen bere tokia maila horretan. Beren etxean lortu dute bigarren tokian helmuga pasatzea, Pasaiako San Juan taldearen ondotik eta San Pedro aitzin. Atzo bigarren eguna iragan zen Pasaian, pausa handirik gabe. Ikurriña etxeko San Pedrok eraman du, eta bigarrena Zumaia izan da, Arkote hirugarrena eta lapurtarrak laugarren. KAE1 ligan, beraz, San Pedrotarrak dira buruan 22 punturekin eta ondotik, San Juan eta LAT bakoitza 20 punturekin.

Ataria proiektua, transmisio kulturalaren haria ez dadin eten

AKTUALITATEA

Ataria egitasmoa abiatu dute Ipar Euskal Herriko hainbat eragilek transmisio kulturala lantzeko. Ataria elkartearen lehendakaritza hartu du Philippe Mayté historia irakasleak eta L’Argenté kolegioko zuzendariak. Formakuntzak eskaini nahi ditu elkarteak, Euskal Herriko historiari, kulturari, ekonomiari edo egoera sozialari buruz. Mementuko, lehen urratsak dira eta gune bat xerkatzen dute orain. Itsasun herriko etxearekin lanean ari dira toki baten atzemateko. Gaurko Giz Berri saioko gomitsa izan da Philippe Mayté:

Parte hartu Euskal Irratien udako jokoan, eta sari bikainak irabazi!

AKTUALITATEA

Uda honetan, lagunak bildu eta osatu zure hirukotea. UDAN BAI joko berria abiatzen dugu, eta sari bikainekin gainera. LEHEN SARIA Ipar Euskal Herrian barrena aste hondar batez bidaiatzeko 1.500 euro, Euskal Hirigune Elkargoaren turismo sailaren eskutik. BIGARREN SARIA, aldiz, 500 euroko saria. Zer iruditzen? Baina kasu; lekuak mugatuak dira... 16 hirukote baizik ez baititugu onartuko.

Ez duda, osatu zuen taldea, eta deitu 07 52 06 95 79 telefonora.

Garraio publikoaren saloia Miarritzen, autoaren baliapena murrizteko xedez

AKTUALITATEA

Nola apaldu autoaren erabilera? Hori da 'Agir' saloiaren galdeketa hiru egunez. Frantzia mailako saloia antolatu dute Miarritzen. Bertan, garraio publikoari lotu 100 erakusmahai bildu dira. Iparraldeko TXIK TXAK sarea ere argitan emateko aukera izan da Euskal Hirigune Elkargoarentzat. Azpimarratu dute barnealdean, garraio publikoen eskaintza %40 emendatu dela 2017az geroztik. Bestalde, jakin ere sareko autobusen %25 elektrizitateari esker ibiltzen direla. Elkargoaren helburua da hemendik 2035era erregaiarekin dabiltzan ibilgailuak desagerraraztea.

Hegoaldeko udal bozak: EH Bilduk zaila izanen du Iruñeko alkatetza eskuratzea

AKTUALITATEA

Hego Euskal Herriko herriko etxe guztiak larunbatean osatuko dira. Aliantzen dantza bukatzen ari da eta herri gehienetan gehiengoak osatu badira ere, azken momentu arte sorpresak izan daitezke. PSEk eta EAJk herriko etxe gehienetan aliantzak egin dituzte, EH Bilduk aldiz Ahal Dugu alderdiaren inguruan sortu diren zerrenda desberdinekin. Iruñean, azken uneko sorpresarik ez bada, Joseba Asiron ez da izanen auzapez, PSNk betoa ezarri baitie abertzaleei. Beraz eskuineko auzapeza ukanen du Iruñeak. Goiz berriko gomita izan da Joseba Asiron EH Bilduko auzapez gaia.