Baionako Bernat Etxepare lizeoko barnategia udan ere baliatuko da. Seaskak Baionako lizeoa sasoilariei idekitzea erabaki du uztailaren lehenetik goiti prezio merkean. Bi zaindari egonen dira bertan uda osoan. Lan kontratu bat aurkeztu beharko dute interesatuek. Hur Gorostiagak, Seaskako zuzendariak, proiektuaren berri eman digu:
Frantziako itzuliko lehendabiziko 3 etapak Euskal Herrian iraganen dira osoki larunbat, igande eta astelehen honetan.
Tourrak txirrindularitzaren besta izan nahi du. Bainan, bere itzalguneak ere baditu eta hunen antolatzeak eztabaidak sortzen ditu.
Ximun Larre Mediabaskeko kazetariarekin mintzatu da Kriztof Arotzarena
Ez dute denek begi onez ikusten Frantziako itzuliaren etortzea Euskal Herrirat. Tourrak balore ainitz urratzen dituela salatzeko, Euskal Herriko Bira bizikletaz antolatuko du Herribiltza herri mugimenduak, uztailaren lehenetik zortzira, Bilbotik Bilbora. Oihana Oillarburu HerriBiltzako kidearekin mintzatu da Kriztof Arotzarena.
Alda mugimenduak "Konpentsazio legea" urratzen dutenak argitan eman ditu. Joan den astean Miarritzeko egoitza batean eman zuten fokoa. Hiru egunez bertan egon eta haien aldarrikapenak ardietsi dituzte. Geroztik Miarritzeko herriko etxeak jakinarazi du beste 1000 bizitegi legez kanpo direla. Zertan da legearen aplikapena ? Nork kontrolatzen du hori ? Xebax Christy gure Goizberriko gomita izan da, harekin aipatu dugu zertan den egoera.
Tologorri menditik Auñamendira, berriz heldu da Urmuga festibala. Uztailaren 13tik 30era hamarnaka kontzertu eta emanaldi eskainiko dituzte Euskal Herriko mendi kaskoetan, eskualdez eskualde musika eta natura uztartuz. Aurten Eltzegor talde mitikoa omenduko dute gainera, uztailaren 23an Baigorrin. Emanaldi berezia antolatu dute Donostiako orfeoiaren eta Inkarnatus Orkestrarekin batera. Horiekin batera izanen dira ere Olaia Intziarte, Estitxu Pinatxo, Rafa Rueda, Jokin Pinatxo, Garikoitz Mendizabal, Bixente Martinez, eta Baigorriko gaiteroak. Eltzegor taldeko Joxemari Ostolaza eta Betti Bidartekin mintzatu gara: