1. Egunak duenean
itzaltzeko presa (bis)
Kalabazak, arbiak,
hainbat trapu pieza
kantuz jendetza!
Arimak ernatzera
dator gaba beltza
2. Urriaren azkenak
ilunpea zor du (bis)
kalejira, antzerki,
ipuin, kopla-koru
moduak modu
Beldurrari leku bat
eskaintzen diogu
3. Tabua dakar izu
sentitu nahi ezak (bis)
Eskaini du isilduaz
solastea behintzat
gure gau beltzak…
Taldeko erritu bat
heriotzarentzat
4. Biziak eta hilak
osoak, erdiak… (bis)
Ohitura aunitz ditu
gure alderdiak
Euskal Herriak
Berreskuratu zaharrak
ta sortu berriak!
