Ontzidiari

1. Genozidio bat Gazan

Zaukunez ageri

Gaitzestea oraindik

Ez al da zilegi?

Aitzina ontzidia

Zuek beti segi

Nahiz eta sionistei

Ez gusta gehiegi

Aitzina ontzidia,

Zuek beti segi

Korrontearen kontra

Egiten igeri.

2. Nik zer egin dezaket?

Nahi nuke lagundu

Boikotak ta manifak

Aukeran ditugu

Dena ezin da aldatu

Horrekin seguru

Inakzioak ditu

Mila estakuru

Dena ezin da aldatu

Horrekin seguru

Egin dezakeguna

Egin behar dugu

3. Eurovision mikroak

Dabiltza errausten

Carrefourreri sosa

Puzten eta puzten

Ta mapan palestina

Bada erakusten

Bi estatu nahi dira

Nori zer da uzten?

Ta mapan Palestina

Bada erakusten

Bigarren estaturik

Nik ez dut ikusten

4. Nola ahal genuke

Bakeaz hitz egin?

Denendako bakea

Ere ez bada berdin?

Kanapetik altxatu

Ta Irunara jin

Erresistentzia ere

Hasten da zurekin

Kanapetik altxatu

Ta Irunara jin

Mapatik estatu bat

Desagertu aintzin