Lehen baziren milaka greba

Borrokatzeko mila aukera

Eta gaur egun ez da hobetu

Munduaren egoera

Baina karriken hartzera

Joan behar delarik zera

Ezin etxetik atera

Eta gero ta azkarrago da

Jazartzen nauen galdera

Gazteriaren aktibismoa

Betiko galdu ote da?

Zaharragoei zenbait aipamen

Deusendako ez dira joanen

Zuen hitzetan « lehen hobeki zen

Hobeak ginen ta amen

Ez gero, ez aukeramen

Ez duzue deus ukanen

Iraultza nun, instagramen? »

Mespretxu hori senditzen dugu

Ta argiki dut erranen

Gugan sinesten ez baduzue

Ez da errexa izanen

Lehen hobeki zen erran dut, tira

Baina gu orain bizi baigira

Gure garaiko problematikak

Aski buruhauste dira

Zoin muturretatik tira

Borrokarako desira?

Nundik atera dirdira?

Beharba motel gira gazteak

Baina enetzat argi da:

Etorkizuna ez da aldatzen

Iraganari begira

Belaunaldia deitzen da Zeta

Soinean docsak, tente mületa

Pesimista da, ez da alferra

Nahiz eta egin iseka

Onomatopeiez « iepa! »

Aterako du tarteka

Baina zer emozio meta

Sinestazue ongi badakit

Ni ere hortik nator eta

Gazteak joanen girela mundu

Utupiko horren xeka