Ilun, mingots, desatsegin

Buruzagi buruarin

Mundua beti da berdin

Pasatu eta zonbait entsegu

Eta zonbait ahalegin

Denei zaigu burura jin

Kontzientzia lasai dadin

Ezin dugula deus egin

Ez dela gure ardura

Nik haientzat zer onura ?

Palestina hain urrun da

Ta hain errexa da egoitea

Etxe barnean gustura

Kenduz beldur eta duda

Onartu egia hura:

Gu bakarrik gira muga

Ezkortasunen ortzantza

Alferkeria garratza

Gugan nagusi da antza

Nik uste sortu berrien gisan

Hartu behar dugu hatsa

Injustizien kontra altxa

Munduaren azken xantza

Baita gure esperantza

Izan gaitezen eredu

Erruak gainetik kendu

Boikotetara zuzendu

Eta bidean pesimistekin

Baldin bagira ere gu

Bi espaldetatik heldu

Eta erranen diegu:

Dena egin dezakegu