ZONBAT IZEN

Presondegia zer den ongi al dakigu?

Baionakoan zonbat dira gatibu?

Handik berri tamalak etortzen zaizkigu,

Joan den astean hil gaztea testigu.

Soka kiribildu,

Lepora hurbildu,

Hogei eta hiru

Urtetan isildu…

Ez da bera hil baina kartzelak hil du.

« Kartzelak behar dira » dabil ezjakina,

Errepikatuz beti gauza berdina.

Larri kondenatzen du ebaste arina,

Ta ez burgesiaren ebaste makina.

Konpara ezina:

Goseteak egina

Ta ebasten dina

Carrefourren sardina.

Usu ahanzten dugu nor den biktima.

Ta biktimen artean har giten mokoka,

Fite gerlara nahi gaituzte bota

Pobreak har gaitezen elgarri tiroka,

Ta ez bagira ados, kartzelako borta…

Paris zein bogota

Bera da erronka,

Zapalduek topa

Egin dezaun borroka

Askatasunain alde kartzelen kontra!

Kapitalismoa da pobreen kondena:

Zapalkuntza da lege, gerla ordena.

Beraz Baionan gazte, preso hil dutena,

Guk ez dugu ahantziko zinez pastu dena…

Jinen da orena,

Mendekuarena,

Irauliz sistema

Dator letorkeena

Eta berekin dakar zure izena.