Maila politiko eta kulturalean, Ipar Euskal Herrian arrasto handia utzi duen gizon baten bizia omendu dute atzo Miarritzen. Jakes Abeberry 92 urterekin pausatu zen iragan ostegunean. Ehunka pertsona elkartu ziren atzo Miarritzen, Abeberryri agur eta ohore egiteko. Han izan zen Inhar Iraizotz :

Enbata mugimenduaren sortzaileetan izan zen Jakes Abeberry, baina bere aurkari politikoekin mintzatzeko ukan zuen gaitasuna goraipatu dute hainbatek.

Durangoko azokak asteazken honetan  irekiko ditu ateak, abenduaren 7tik 11era iraganen da 57. edizioa eta aurten ere iparraldeko ekoizpenak bertan izanen dira Euskal Kultur Erakundea eta Gerediaga elkartearen arteko partaidetzari esker. Maia Muruaga Euskal Kultur erakundeko Kultura bitartekaritzaren arduradunarekin da, Maia Etchandy.rekin...

Euskararen Nazioarteko eguna kari, “Euskara, hedabideetatik karrikara” emankizuna elkarlanean burutu dute Euskal Hedabideak osatzen duten Euskal Irratiek, Kanaldudek, Herriak, Kazetak eta Ipar Euskal Herriko Hitzak

60 bat jente baziren XEEK xiberoko spekülazionearen kuntre den kolektiboak antolatü oküpazionean. Etxebarren zen etxalte batetan bildü dira, egün batentako oküpazione sinboliko baten egiteko. Han zen Beñat Larrory antolazale eta parte harzalen oharren biltzeko:

Euskal Hirigune elkargoko hainbat hautetsik elkartzea erabaki dute « Elgarrekin Herriarentzat » talde politikoan. Mementuko 42 auzapez eta hautetsi dira, hauen artean 6 emazte bakarrik. Gehienak Baxe nafarrokoak, Lapurdikoak 15 eta Xiberuko 2. Etiketarik gabeko taldea da, eta begi txarrez ikusten du gaur egungo elkargoaren eginmolde zentralizatua. Barnekaldeko hautetsien boza ez dela aski kontutan hartua salatzen dute, Peio Etxeleku Errobi lurralde eremuko poloko animatzailea, horietarik da

Bihar da abenduaren 3a, Euskararen Nazioarteko eguna. Horrek zer erran nahi du? Ba gaur dela Euskaraldia ekimenaren azken eguna. Ehunka ekimen antolatu dira Ipar Euskal Herrian gaindi, eta 300 bat arigunek izen eman dute edizio honetan. Azken aldikotz beraz, arigune baten bisitañoa eginen dugu. Inhar Iraizotz:

Euskaltzaindiak "gogoeta gunea" aurkeztu du, euskararen etorkizuneko indarberritze estrategiak hausnartzeko xedez. Gune horren koordinatzailea da Jon Sarasua. Preseski gai huntaz, mintzaldia emanen du larunbat honetan Baionako museoan atsaldeko 15:30etan. Sartzea libre.

Euskaraldia indartsu da Amikuzen. 30 arigune ingururekin, Baxe Nafarroan arigune gehien dituen eskualdea da, Irisarrirekin batera. Gaurkoan Donapaleuko Bixoko komunikazio agentziara hurbildu gira, Euskaraldia nola bizi duten ezagutzeko. Eta hori Eztitxu Berhoren eskutik eginen dugu. Goazen ba:

Pasadena, Hatxe, Ama Say, Su Ta Gar, H-Burns, Pomme, An’Pagay, The Ramona Flowers, The Smashing Pumpkins, Hanry, Detraktor, Beneath An Obsidian Sky