HERRIKO BOZAK jada

dira ate joka,

aspaldian hasi zen

zerrenden borroka,

etorriko denean

martxoan 15a,

nik erran behar duta

noren alde bozka !

 

Talde  osoaren alde

Da egin beharra,

Ez izenik gehitu

Ez izenik marra,

Hautatzea ez bada

Nehoiz gauza txarra,

Herri ainitzetan da

Zerrenda bakarra.

 

Alta demokrazia

Deitzen zaio horri,

Denak ez badira re

Xuri edo gorri,

Etxeto Etxegarai

Edo Etxegorri,

Batzu joanen dira,

Besteak etorri !

 

 

Atharratze aldetik

Izan da oihartzun,

Emazteak ez du behar

Bezain bat gaitasun,

Izenetan dena da

Parekidetasun,

Guziak errespetuz

Behar dira entzun !

 

Bigarren, hirugarren

Laugarren eskukoa,

Ez dea erregealdi

Baten modukoa,

Batzuk auzapez lana

Dute gustukoa,

Eta ez dute aise

Uzten lekukoa !

 

Gehienak joaiten dira

Alderdirik gabe

Etiketa hartzeko

Sobera ahalge,

Bozkatzean gogoan

atxiki halare,

Nor dugun gure kontra

Ta nor gure alde

 

Batek hartuko dio

Besteari gaina,

Nola bukatuko den

Ez dakigu baina,

Hortan bururatuko

Da ene kanpaina,

Ea igandean nork duen

Edaten xanpaina !