Sei urte pasatu dira Baionako San Izpirituko zubian bizikletentzako eta oinezkoentzako ibilbideak ezarri zirenetik. Baina Txirrind'Ola bizikleta elkarte-tailerrak bere erabilgarritasun eskasa salatzen du: bi ibilbideak ezarri zirenetik, oinezkoek eta bizikletazkoek etengabeko kaosaz hitz egiten dute, bata bestearen espazioa errespetatzen ez dutelako. Horren ondorioz, elkarteak urrian petizio bat abiatu zuen, eta 1.600 sinadura baino gehiago erdietsi ditu. Baionako Herriko Etxeak 2026rako arazoa konpondua izanen dela ziurtatu die.

Palestina, mediatikoki aurkeztua ez den bezala, aipatu zen joan den larunbatean Makean, mintzaldi, tailer, merkatu eta kontzertuen bidez. Iparraldea Palestinarekin sarean diren Ipar Euskal Herriko Palestinaren aldeko kolektiboen elkarretaratze jendetsua izan da. Hurbiletik egoera bizi dutenen lekukotasunak izan ziren. Israeli armak igortzea geldiarazi nahi duen «Stop Arming Israel» ekinbidea aurkeztu zuten, baita Palestina sustengatzen duen TseDek judutarren kolektiboa ere. Gaualdia besta giroan bukatu zen, palestinar-jordaniar jatorria duen El Farei kantariarekin eta Xiberoots taldearekin besteak beste.

Berria, Mediabask eta berriki Liberation egunkarientzat lan egiten du Guillaume Fauveau prentsa argazkilariak. Baionan sortua, euskara berriki ikasia, bere lana DIDAM aretoan ikusten ahalko da urtarriletik martxora arte. Bere kazetari lana ikusten ahalko da baina ere musika, surfari lotuak bai eta egindako potretak ere.

Igande honetan lasterkariak izan dira Arberoako mendi kaskoetako nagusi. 380 korrikalarik parte hartu dute Mendixken lasterketan, nehoiz baino gehiago. Aurten, 13 kilometroko lasterketaren markak gaindituak izan dira gizon eta emazteetan, baita 20 kilometroko gizonen proban ere. Oren bat eta erdi eman du Loic Robert Oloroeko 25 urteko lasterkariak 20,5 kilometroen urrezko domina eskuratzeko, eta Samuel Téchenéren marka 3 minutuz gainditu du. Bigarren Kevin Lago xiberotarra izan da eta hirugarren Téchené landatarra. Emazteetan, Emilie Pagnet Hendaiarra nagusitu da. Melanie Foliolék bigarren egin du eta Camille Naomek hirugarren. 13 kilometrokoa aipatzeko, Pascal Saint Pierre uztariztarrak irabazi du, bigarren Tony Bonneau izan da eta hirugarren Mixel Giltzu. Eta emazteetan, Carole Duhart SPUC Senpereko taldeko hiriburutarra zaluena izan da.

26 urte berantago, maskaradaren lekukoa hartuko du Basabürüako ibar eskuinak. 2025ean Altzai, Lakarri eta inguruetako berrogei bat gaztek parte hartuko dute, eta usaian bezala, urtarriletik aitzina abiatuko dituzte ihauteriak. Pitxu, Kabana, xorrotxa eta bestelako kargu nagusiak banatuak izan dira jada, baita dantzarienak ere: bederatzi aitzindari izanen dira eta lau marexal. Nicolas Urruty, Jean Louis Bidabe eta Jean Pierre eta Marilyn Rekalt dira errejent laguntzaile taldearen arduradunak.

Politikatik Politikara saioak aktualitatezko gaiak jorratzen ditu, hiru gonbidaturekin: Anick Trounday, Iker Etxepare eta Nikolas Blain.

Saio honetako aipagaiak laborantza, osasun arloa eta euskara izan dira.

Mingain urdinaren eritasunaren kontrako txertoa itxoiten ari dira laborariak. Ardiak jotzen dituen eritasuna borrokatzeko, hilabete bat da frantses gobernuak txertoa hitz eman duela, baina oraindik ez dira iritsi. FDSEA sindikatuko kideak bildu dira ostegun honetan Baionako suprefetarekin. Erantzun bat azkar behar dutela azpimarratu dute, bereziki hegoaldean saltzen baitituzte axuriak. Louis Bizkaixipi, FDSEAko axuri sailaren presidentea da:

Ostegun goizean bildu dira Baionako suprefetan FCO edo ardien mingain urdinaren eritasunari begira. Eritasuna pairatzen duen etxalde batek ezin du hilabete batez saldu axuririk. Alta hazleak prest dira mementu huntan saltzeko. Txertoak nun diren xuxen galdegin diote suprefetari: 

Makean, larunbatan Palestinaren aldeko eguna iraganen da."Ibaitik itsasora, Palestina libre" lemapean antolatzen dute Iparraldeko sostengu talde desberdinek. Egun osoko egitaraua prestatu dute; goizean hitzaldi bat egongo da, Palestinaren egoerari buruz. Arratsaldean, tailerrak izango dira: laborantza, pinkwashing-a edo armamenduaren inguruan. Egunean zehar, Palestinako produktuekin osatutako merkatu bat egongo da. Apairua eta kontzertuak ere izango dira arratsaldean. Irabazi guztiak, Adammer elkartearentzat izango dira, Palestinako preso politikoen aldeko elkartearentzat. Jakin, egun horren inguruan gehiago entzun ahal izango duzuela 8:00etatik aurrera, antolatzaileetako Mirentxu Arbeletche entzuten ahalko baituzue.

Asier Blas-ek azaltzen digu Donald Trumpen hauteskundeak nola eragingo duen nazioarteko politikaren arloan.