Baionako herriko etxeak aurkeztu berri du Xingar Feriaren agenda Bar du Marché Baiona Handiko ostatu famatuan. Aurten, beste urteetako antolaketa mantentzea erabaki du herriko etxeak, ostatuak goizeko oren batan hetsiz. Hala ere, datak aldatzea erabaki dute, besteak beste, aste santua eta frantziako bakantzetatik kanpo izateko, gaueko aforoa mugatzeko esperoarekin. Aurten xingar feria Apirilak 4tik 7ra iraganen da.

Aurtengo bilana egin dute eta aurten ere zenbakiek gora egin dute azkar. 13 000 afari zerbitzatu dituzte. Apirialaren 8an bestalde udako sasoina abiatuko dute, eguerditako bazkaria eskeiniz astean zehar. Marga Forestier mintzatu da Serge Betelu, Table du Soir-eko laguntzailearekin.

Aspalditik ez duela muga pasatu txirrindula lasterketak. Aurten ehun urte betetzen ditu gainera, aukera iparraldetik iragaiteko bigarren eta hirugarren etapen karietara.  Jonas Vingegaard, Primož Roglič edo Remco Evenepoel bezalako kiroarika ikusteko parada izango da. 

Bitxi Bitxi queer kolektiboa sortu dute hogei bat kidek berriki Baionan. Queer izatea, heteronormatibitatetik kanpo izatea da besteak beste. Baita genero ezberdinen adierazpena sustatzea ere. Bitxi Bitxi kolektiboa transfeminista, antirrazista eta antikapitalista bezala definitzen da. Leku seguru bat sortu nahi izan dute besta lasaiki egin ahal izateko eta haien izaera plazaratzeko. Maialen Berra Zubieta talde honetako kide da, goiz honetako gomita izan da. 

500€ko isuna, Garazin egin euskararen aldeko tindaketa batengatik eta hilabete bateko presondegi zigorra gibelapenarekin, DNA aztarna ez emateagatik. Herribiltzakoendako, epaiketak euskararen egoera larria argian ezarri du.

Merkatu libreko ondorio txarrak salatu dituzte ELBko laborariek atzo goizean. Hazparneko Intermarche-n ekintza egin dute ELBko laborariek, argitan emateko Zelanda Berriko bildotskiek hemengo mozkinak lanjerrean ezartzen dituztela.

Heldu den astean Pariseko auzitegi korrekzionalean, Txetx Etcheverry eta Beatrice Molle-Haran epaituko dituzte, 2016an Luhusoko armagabetzean parte hartzeagatik. Txetx Etcheverry Goizberriko gomita zen.

Bukatu da Korrika. 2700 kilometro egin ondotik, Baionan egin ditu azken urratsak eta argitu da ere nork idatzi duen lekuko barnean 10 egunez joan den mezua. Ihintz Oliden, AEK-ko Ipar EHko koordinatzailea Goizberriko gomita ginuen.

326 milioi funtzionamendurako izanen dira eta 185 milioi inbertsioetarako. Aurrekontuaren alde 128 hautetsik egin dute, 39-k kontra eta 52-k abstentziora jo dute. Fiskalitatearen emendatzeak sortu du kontrako iritzi azkarrena 80 hautetsik kontra bozkatu baitute eta 113k alde. Bil Gaiten eta Elgarrekin Herriarentzat talde politikoek gogorki kritikatu dute, Etxegaraien exekutiboaren egiteko manera.