Bortizkeria eta jazarpen sexisten kontra, Frantses Gobernuak sustaturiko "Angela" plana martxan da Hendaian uztaila hastapenetik. Herriko komertzioetan eta herriko etxearen zerbitzuetan jazarpen horien biktimentzat babeslekuak sortzea da plan honen asmoa. Jazarpen edo eraso sexistak pairatzen dituzten herritarrak laguntzeko helburuarekin, Hendaiako 25 komertzio batu dira jadanik dispositibora, langileek sentsibilizazio saio bat segitu dutelarik. Langile sentsibilizatu batek biktima segurtasunean emanen du, bezeroengandik isolatuz. Babesleku izaera duten komertzio horiek afitxa ubel batekin identifikagarriak izanen dira. Horretaz gain, ostatuen komunetan jarrera eta ohitura sexista bortitzak identifikatzeko afitxak ere emanen ditu Hendaiako herriko etxeak. Heldu diren hilabeteetan Angela plana komertzio gehiagotara hedatzeko asmoa dute.

Mendeetako tradizioari segika, aurten ere ospatu da Garruzen feria ezaguna. Bertan elkartu dira Pirinioaldeko nahiz Landetako tratulari eta kabala hazleak. Urtero 6.000 bisitqri inguru hurbiltzen dira Amikuzeko herri honetara uztailaren 31 eta agorrilaren 1ean. Lehen eguna zaldi eta astoei eskainia da, bigarrena behiei. Aurten milatik goiti zaldi erakusgai izan dira feriaren lehen egunean, eta bostehun bat behi bigarrenean. Bestak ere badu garrantzia Garruzen, bistan dena; ehunka lagun bildu dira usaiako askari eta aingira jatean. Aurten, gainera, egitaraua zaldi iniziazio, country dantzen ikastaro, karrikako hainbat ikusgarri eta zaldun erakustaldiekin osatu dute.

Heletako Agerria jatetxe-hotel zaharraren eraikina arraberritzen ari dira. Herriko etxeak 1,6 milioi euro bideratuko ditu proiektua garatzeko, eta diru-laguntzen bidez milioi bat eskuratu du jada. Agerria gunearen eraikin berriak 2.200 metro karratuko azalera izanen du. Bertan, zortzi proiektu aterpetuko dira, eta horietarik lau jadanik bidean dira. Filipe Etxepare Heletako auzapeza izan da Goiz Berri emankizuneko gomita.

Asteazkeneko eguna argiki jendetsuagoa izan da, hala baieztatu dute herriko etxeko langile eta ostalariek. Euskal Irratiak larunbat goizean ibili dira karriketan barna, jakiteko lehen 3 egun horiek nola pasa dituzten, eta baliatu da ere, aurten herriko etxeak plantan eman zuen musikaren politika aipatzeko. Karriken arteko musika amankomuna zuten aurten eta sustut, soinu mailaren kontrolak zituzten:

Kalitatezko eta hurbiltasuneko zerbitzua bermatzeko beharrezko dela uste dute kolaizio abertzaleko hautetsiek. Mementuan Olorue eta Paueko zerbitzuaren menpe da Mauleko ospitalea. Batasun horren bidez, Donapaleun SMUR zerbitzua ezartzearen alde egiteko gogoa adierazi dute ere izkribu baten bidez. Irailaren 9an mahai-ingurua antolatu dute Maulen.

Ziburuko herriko etxeak, bioaniztasuna zaintzeko helburuarekin Hondartzaren kudeaketa berria aurkeztu du. Itsasoak eragindako hondakin naturalak eta gizakiak eragindakoak  garbitzeko modu berri bat martxan jarriko dute. CPIE euskal itsas-bazterra erakundearen lankidetza izango dute. Jean Mixel Dirasar, Ziburuko hautetsiarekin hitzegin dugu.

Xiberotarren « meza » handia igantean !
Urdiñarbetarrak 24 urteen ondotik pastorala emaiteko partitü ziren. Eta ez zoinahi ! Herritar gazte batek Maddalena eta Jean Ziboztarren historia haütatü beitzüen. Maritxu Negelua-k lehentze pastoral bat idazten züan eta jüstoki gure goiz berriko kümita date egün. Behatzen dügü azken mustrakan Inexa Decung-en mikroan:

Aste honetako Doinuen Plazatik emankizunean Sara Iriarte Lasa kantari eta musikaria izan da Aimar Lopezen gomita. Bost kanturen bitartez, Sararen bizitza eta sorkuntza ibilbidea ezagutzeko parada ukan dugu. 22 urteko gaztea Kattalin eta Nenufarrak taldeko kantari eta pianista da, baina hori baina askoz gehiago ere badela ikasi dugu. 

Aste hastapen huntan, Emmanuel Macron Frantziako lehendakaria Kaledonia Berrian egon da. Eta ez da udako bisita sinple bat izan. Battitta Boloki kanakian egon zen. Eta hango harat hunat hurbiletik segitzen ditu. Goizberrira gomitatu dugu