Gasteizko Hala Bedi irratiak 40 urte bete ditu joan den astean. Euskaraz eta gazteleraz ari dira 1983tik, nagusiki laguntzaileek egiten dituzten emankizunak hedatuz. Ipar Euskal Herrian ez bezala, hegoaldean irrati libreen egoera ez da beti legezkoa, eta beraz frekuentziak eta dirulaguntzak lortzeko zailtasunak izan ditu Hala Bedik bere ibilbidean zehar. Gaur egun, egoera egonkorra dutela azaldu du Jon Hidalgo Hala Bediko kideak Goiz Berri saioan.
Donibane Lohizuneko Adam makarroi dendak blokeatu zituzten asteartean Senpereko Olha etxaldearen salmenta salatzeko. Etxaldea saldua izan bada ere, salmenta espekulatiboa izan dela salatzen dute eta atzo etxaldearen eroslea den Adam gozotegiko sartzea bi oren eta erdiz blokeatu zuten protesta modura.
Lehen aldia da Gixuneko lakuan horrelako ezbehar bat gertatzen dela. Sei hektarea ditu laku horrek, eta uraren sakontasuna 35 metroetara heltzen da. Lakuaren bazter batean hondartza gune bat dago, Base Pop aisialdi-guneko hogei langilek zaintzen dutena. Haatik, bainulari gaztea zaintza eremutik kanpo bainatzen ari zen. Senpereko lakuan ere, hiru hildako izan dira azken hamar urteetan. Egun jendetsuenetan, bostehun bainulari izan daitezke Lapurdiko aintzria ezagun horretan, eta bi soroslek dute bisitari guzien segurtasuna zaintzeko ardura.
Sasoiko lehen partida Okzitaniako Tolosaren kontra jokatuko du etxean Avironek, agorrilaren 18an. Aurten, ordea, Munduko Errugbi Txapelketak, baionesen egutegia baldintzatuko du. Izan ere, irailaren 8tik urriaren 28ra ez da TOP14 txapelketako partidarik jokatuko, bi hilabeteko atsedenaldia eginez. Baldintza hauetan, nolako sasoia egin dezake Avironek? Zer dira aurtengo berritasunak? Galdera horiexek pausatu dizkiogu Asier Altuna, Baionako Avironeko jokolari ohi eta zaletu sutsuari:
Barkoxen laborantza asteburua antolatu dute iragan asteburuan. Egitarau oparoa prestatu dute Barkoxe Bizi elkarteko kideek: antzerkia, etxaldeen bisita, mozkin jastaketa, mintzaldiak eta eztabaida. Herriko eta inguruetako herritar ainitz hurbildu dira Xiberoako herri honetako plazara. Antzerkian laborantzaren ikuspegi ezberdinak jorratu dira, eta mezu frango pasarazi dituzte umorea baliatuz.
Espainiako hauteskunde orokorrak uztailaren 28an iragan baziren ere, oraindik ez da argi gobernua nork osatuko duen. Hauteskundeak PP alderdiko Alberto Nuñez Feijo eskuindarrak irabazi bazituen ere, ez zuen gehiengo osorik erdietsi, ezta eskuin muturreko diputatuekin batuz ere ez. Aldiz, PSOE alderdiko Pedro Sanchezek aukerak ukanen ditu, Katalunia eta Euskal Herriko aalderdi independentista ororen babesa erdiesten badu. Kataluniako Junts per Catalunya alderdiak amnistia eta autodeterminazio erreferenduma galdegiten ditu bere babesaren truke. Laura Borras Junts-eko presidentea mintzarazi dugu Euskal Irratietan.
Nazioarteko jardunaldiak antolatu ditu aurten ere Corsica Libera alderdi nazionalistak, eta urtero bezala EH Bai alderdiko ordezkariak bertan izan dira, baita Kanakia, Eskozia, Guadalupe, Guyana, Kataluna, Sardena eta Polinesiako alderdi independentistetakoak ere. Bi egunez, herrialde bakoitzean diren erronkak eta lan-lerroak partekatu dituzte. Ipar Euskal Herriko koalizio abertzalearen izenean han izan da Nicolas Blain. Goiz Berri saioan izan da, eta bide batez, Espainiako Gobernu berriaren osaketan alderdi autonomistek eta independentistek duten inportantziaz galdegin diogu.
Arrakasta gaitza bildu du Buhame Erreka antzezlanak Mehainen. Herriko ehun parte hartzaile inguruk bizia eman diote David Ondarz armendariztarrak idatzi obrari. Ikusgarria 1960 hamarkadan kokatzen da. Garaiko mehaindarren bizimodua kontatzen du, preseski herrian buhame komunitate bat bizi zen garaian. Taula gainean, antzezle bikain eta bipilak; publikoan, aldiz, irri karkailak eta txaloak. Parte hartzaile eta ikusleekin mintzatu gara:
220.000 biztanlek erregularki erabiltzen dute bretaindar hizkuntza. Emaitza aski arranguragarria, jakinez Bretaina historikoan 4 milioi biztanle badirela. Hori da bretaindarraren egoera gaur egun. Apaltze handia azken100 urte hauetan frantses Estatuak eramandako politikaren ondorioz. Eta herri hortan gertatzen den bitxikeria da, hizkuntzaren berreskurapena hirietatik heldu dela. Euskal herriari lotura bat eginez brebeta bretoindarez pasatu dute ikale batzuek debekuen gainetik eta zuzenduak izan dira Ipar Euskal Herrian eramandako borrokari esker. Gael Roblin Vaneko hautetsiak xehetasunak eman dizkigu:
