Heldu den ostiralean, uztailaren 21ean, Ziburuko hiriak Lur & Itsaso afari bat antolatuko du, Idoki laborariekin eta Pleine Mer elkarteko arrantzaleekin partaidetzan. Paradaz baliatu da Ihintza Arrieta, Eneko Aldana Ziburuko auzapezarekin mintzatzeko eta bide batez Ziburun estrenatu berri den kiroldegiaz ere galdegin dio:

“Gure herria ez da karta postal bat” Arberoan, “laborantxako lurrak lanjerean” Kanboko Marienian, “Olano hemen ez da Monaco” Ahetze Larre Luzea etxean, “BAB luxe tour” Baiona, Angelu eta Miarritzen...Leku horietan, baita Saran ere bai, beren haserrea erakutsi izan nahi dute ehunka herritarrek, OSTIA sareak luzatu deialdiari erantzunez joan den larunbatean.  Arberoa eta Kanbotik pasa da Kriztof Arotzarena:

Nekane Artolak hartu berri du Euskal Herriko Ikastolen Elkarteko lehendakarigoa. 14 urte presidente izan den Koldo Tellituren segida hartuko du, baina postu hau, hurrengo urtean berretsi beharko dute Ikastolen Elkarteak. Eric Etxart xiberutarra izanen da lehendakariordea. Euskadiko Autonomian eztabaidatzen ari diren hezkuntza legea izan dugu solasgai ere. Jose Luis Aizpuruk mintzarazi du:

Bigarren saio polita eskeinia izan da aldi hontan ere. Donostiko hirukote baten parte hartzearekin, Irati, Ametz eta Xenki-k (Altzakoa) garaipena lortu zutena 35 pundurekin eta finaleko txartela lortzen dute momentuz. Hendaiako Aritza, Urruñako Urko eta Hondarribiako Aliren aurka jostatu dira, hauek 30 pundu egin dituzte. Oroitarazteko, pundu gehiena egin dutenak finalean izanen ditugu. Herri elkargoako turismo sailak eskeini 1500€ko saria izango da irabazleentzat eta 500€ bigarrenentzat.

Senperen 1,3 milioi eurotan salgai den Olha etxaldea okupatzen dute joan den ekain hondarretik hunat, Ostia kolektiboa, Lurzaindia eta beste hainbat eragileren artean. Oroit giten aintzin salmenta izenpetua dela, eta hiru bilkura egin direla eragile ezberdinen artean salmenta trabatzerat entseatzeko.

Arbonan egin zen bezala, Senperen ere etxaldea okupatzen da, eta jakiteko zertan den egoera Lurzaindiako Totte Elizondo Goizberrirat gomitatu dugu.

“Baiona ez da kolpez eroriko” hori dio Serge Arcouet Baionako higiezinen hondarearen axuantak. Pasa diren asteetan ahal ere, erortzeko arriskuagatik, Baiona hiri erdiko bost eraikinetatik aterarazi behar izan dira bizizaleak. Azken aste hauetan kasuak biderkatu dira. Argenterie karrikan, Saubiole karrikan edo Espaniako karrikan kokatzen dira eraikin hauek. Orotara hogei bat biztanle berriz aterpetu behar izan ditu herriko etxeak, urgentziazko bizitegietan edo hotelean.

Orain auzitegiko expertek erran beharko dute berriz sartzen ahalko diren bere etxetan edo ez. Argenterie karrikako bere apartamendutik atera behar izan den Leirerekin, hunkituetako batekin mintzatu da Marga Forestier lankidea.

Irailaren 7tik 17ra iraganen da `Le temps d’aimer la danse´ Maitaldia festibala. 10 egunez 93 hitzordu izanen dira, Miarritzen ez ezik, Ipar Euskal Herrian orohar, eta beste batzuk Hego Euskal Herrian ere. Mizel Teret, Pantxika Telleriaren Elirale konpainia, Dantzaz konpainia, Ziomara Hormaetxe edota Jon Maya izanen dira euskaldunen artean.

Jon Mayarekin mintzatu da Ihintza Arrieta lankidea.

Etapa bat lortu dute, Korsikar Asanbladaren gehiengoak proposamen bat adostu du pasa den astean Frantziar Gobernuari bidaltzeko.

Berezitasuna, Corsica Libera aparte, gehiengo hortan bateratu direla mugimendu nazionalistetako tendentzia desberdinak. Asanbladan oposizioan den eskuinak, bere aldetik, beste proposamen bat egin du, minimalistagoa.

Batasun irudia erakutsi dio Frantziari Korsikako mugimendu nazionalistak, autonomia legegilea eskatuz.

Ander Perez Zala, Berriako kazetariak, hurbiletik segitu ditu eztabaidak. Berekin mintzatu da Jose Luis Aizpuru.

Esku pilotak, gazte edo cadet mailako akademia bat plantan ezarri du primadera huntan. Helburua du 15-16 urteko gazte hoberenak trinketean trebatzea. Bainan, alde bakarreko erabakia izan dela salatu dute pilotako instituzioek eta pilota batasunek. 

Polemika eta geroztik izan diren bilkuren berri eman dauku Henri Errandonea, Iparraldeko Pilota Batzordeko idazkariak :