Harrigarria laugarren saio honetan gertatutakoarekin, Etxepare lizeoko ikasle ohi eta lagunak garaile 38 pundurekin, ondorioz Ziburu eta Donostiko taldek haien finaleko lekua gatzen dute eta Uruñko anai arrebek bigarren lekura pasten dira. Zorionak Larresoroko Lumari, Itxasuko Joana eta Senpereko Unai, ea atxikiko duten leku horri ikusten duzuten bezala dena gerta daiteke Udan bai jokoan. Eskerrak ere parean zituzten Antton eta Beñat Hazpandarreri eta Urketako Juleni parte harturik 27pundurekin. Oroitarazteko pundu gehiena egin dutenak finalean izanen ditugu. Herri elkargoako turismo sailak eskeinitako 1500€rekin irabazleentzat eta 500€ bigarrenentzat.
Ez da autobusik izanen goizetan, bai aldiz arratsaldeko 2etatik landa, goizeko 4ak arte, Baionako bestetako joan etorriak segurtatzeko. Konfiantza galdu dutela zuzendaritzarengan diote langileek, beste aldean ez dute ulertzen zergatik orain heldu den greba hori. Ihintza Arrieta:
Agorrilaren 3tik irailaren lehenera, Donostiako Musika Hamabostaldian mundu osoko estilo anitzetako musikariak, taldeak eta orkestrak batuko dira. Baina Donostiatik urrunago ere zabaltzen da, adibidez Senperen izanen direlarik bi kontzertu garrantzitsu, azken urteetan ohikoa bilakatu den hitzordua errepikatuz. Hamabostaldiaren kudeaketa zuzendari Andoni Alonsorekin izan da Aimar Lopez.
10 urte betetzen ditu aurten eta tokiko ekoizpenen gune nagusia da, bere burger, talo edo pastekin. Laborantza herrikoiaren garrantzia azpimarratu digu beste behin ere ELB sindikatuak, erranez posible dela tokikoa eta prezio onargarrian saltzea. Jean Paul Duhalde, ELBko kidearekin mintzatu da Ihintza Arrieta:
Bidarteko Estia eremuan kokatua da Sophia Genetics enpresaren eraikin berria eta horko buru da Jurgi Camblong angeluarra. Egoitza nagusia Suitzan duen start-up honetan, minbiziaren eta eritasun genetikoen ikerkuntzan ari dira lanean. 720 ospitalekin lan egiten dute, 70 herritan. Goiz Berrira gomitatu dugu Jurgi Camblong, zurekin duzu Ihintza Arrieta:
Azterketen gaia izanen da heldu den ikasturtean ere borroka nagusietarik bat ikasturte berrian, Seaskarentzat. Euskaraz egiteko eskubidea eta batez ere baxoan ere urrats berriak emaitea. Uztaila bukatzear dela eta, ikaskurte berriari begira pundu bat egin dugu Peio Jorajuria Seaskako lehendakariarekin:
30 bat egoiliar dira momentuz Baionako Ariztia erresidentzian. Seaskak sasoilarien zerbitzurako antolatu duen egoitza da, ikasturtean zehar ikasleen barnategia dena. Bi langile dira bertan lanean, eta bisita bat egin dugu uda nola doan jakiteko. Langileetarik bat da Elixabet Etxandi
PP alderdia nagusitu da Espainiako hauteskundeetan, bainan gobernatzeko aukera gutirekin. PP, VOX eta UPN alderdien artean 170 aulki dituzte, eta, gutxienez, 176 behar dira gehiengo osoaren eskuratzeko. Ezkerrak 153 diputatu ditu: Sozialistek 122 eta Sumarrek 31. Beraz, Pedro Sanchez-ek Euskal Herriko, Kataluniako eta Galiziako alderdi abertzaleen babesa beharko luke presidente karguan segitzeko. Andoni Lizeaga Euskadi Irratiako kazetariarekin emaitzak aztertu ditugu
Burutik zangoetara babesturik agertu dira hiru pertsona, kutsaduraren ondorioz laster hola mainatu beharko dela irudikatzeko. Ekintzan parte hartu duen Luxi Detxartekin mintzatu zira Ihintza Arrieta: