Herriko ogia elkarteak 10 urte betetzen ditu eta ostegun honetan Bardozen ospatuko du. 10 urteko tokian tokiko ogia erosteko parada eskaintzen duela elkarteak. Hortaz mintzatzeko, Antton Castoreok hitz egin du Txomin Elosegirekin.

Ekainaren 20an izan zen orzantzak Lapurdiko hainbat uzta suntsitu zituen, Itsasu, Ezpeleta, Lekorne edota Baigorrin, eremu mugatuan. Biper landak, baratzezainenak, edo mahastien zango batzu suntsituz. 203 Biper ekoizleen artean, 66 ekoizlek jasan dute kazkabarra. Laborarien uztak ez dira asuratuak, eta horregatik DDTMak ematen dut kalte ordaina. Bainan eskuratzeko baldintzak kritikatzen dituzte laborariek. Adibide gisa, uzta osoa galdu duenak, joan den urteko irabazien erdia baino guttiago hunkitzen ahalko du. Erdi baino guttiago galdu duenak aldiz ez du laguntzarik izanen.
Dolu bat edo hurbileko norbait galdu duelaren sentsazioa zuela adierazi digu Biper sindikatuko presidentea den, Panpi Olaizolak goiz honetako Goiz Berrin, Arantxa Idiederren gomita zenak.

« Emazte Laborariak Argitan » izanen da aurtengo LURRAMA-ren lema. 27 emazte laborari agertzen dira afixan. Haien errolak, engaiamenduak, eskumenak eta berezitasunak azpimarratuko dituzte heldu den azaroaren 10, 11 eta 12an, Miarritzeko Irati gelan. Aurkezpenean egon diren Amaia Hiribarren eta Mirentxu Elizalde-Paraxu laborariekin mintzatu da Kriztof Arotzarena

Txirrindularitzan, Frantziako itzulia abiatu da. Larunbatean Bilbon, igandean Donostian eta astelehen huntan Baionan antolatu dira lehen 3 etapetako helmugak. Atzo, Jasper Filipsen Belgikarra nagusitu Baionan, esprintean.  Mikel Landa, Gorka Izagirre, Alex Aranburu, Ion Izagirre eta Pello Bilbaoren ihardokitzeak bildu ditu Kriztof Arotzarenak etapa bukatu bezain laster:

Donostian hasi eta Baionan bukatu zen atzo Tourraren hirugarren etapa. Euskal Herrian gaindi kilometro andana bat egin ondoan iritsi ziren txirrindulariak Baionara eta han zen hain zuzen Ihintza Arrieta, karrika eta xoko ezberdinetan giroa hartzeko:

7 probintzietako 15 eta 17 urtetako 120 gazte bildü dira hilabete batez eüskal herriaren üngürüaren egiteko hoinez eta eüskaraz. 30 bat etapa orotarat,eta 30 bat kilometra etapa bakotxa. Atzo Pagolan iritsi dira gazteak. Galdegin diegü nola bizitzen züten abiatze hori :

Helbürüa da eüskal herriaren hobeki ezagützea eta probintzia esbardinetako gazteen ezagützaren egitea, eüskararen süstengatzez. Heltzea Getxon uztailaren 31ean

Senpereko Olha etxaldearen salmenta salatzen dute,  ELB, Lurzaindia, Senpere kolektiboa eta Ostia kolektiboak. Laborari etxea eta 50 hektarea 1.3 milioietan salgai emanak baitira.
Olha baserrian, joan den asteartetik lehioak eta ateak berriz ideki dira. Panpi Mercapide hurbildu da bere mikroarekin joan den larunbatean:

Uztailaren 15ean mobilizazio egun bat deitua da iparralde osoan, gune huntan bururatuko dena.

«Milesker Irisarri eta betirarte »   Irisarri agurtuz bururatu dute  EHZ.ren 27. Edizioa.  Aurtengo edizioak  12.000 jende bildu ditu eta 500 laguntzaileren parte hartzearekin bururatu da. Antton Castoreo kazetaria bertan izan da:

Euskal Hirigune Elkargoa harmonizazioz egarri da. Uraren prezioa da nagusiki eztabaidatua izan euskal hirigune elkargoko bilkuran larunbatean. Benat Larrory han zen: